شاه داغیم، چال پاپاغیم،ائل دایاغیم، شانلی سهندیم .
باشی طوفانلی سهندیم .
****
باشدا، حیدر بابا تک ، قارلا قِروولا قاریشیب سان .
سون، ایپک تللی بولوتلارلا  افق ده ساریشیب سان .
ساواشارکن باریشیب سان.
****

گؤیده ن الهام آلالی ،  سِرّی سماواته دییه رسن
هَله آغ کورکی  بورون، یازدا یاشیل دوندا گیه رسن
غُورادان حالوا ییه رسن
****

آد آلیب سن دن او شاعر که سن اوندان آدآلارسان.
اونا هرزاد وئره سن ، یوز او مقابل داد آلارسان .
تاری دان هرزاد آلارسان .
****

اودا ، شعرین ادبین شاه داغیدی ، شانلی سهندی .
اودا ، سن تَک ، آتار اولدوزلارا ،شعریله کمندی .
اودا ، سیمرغ دان ، آلماخدادی فندی .
شعر یازاندا ،قلمیندن ، باخاسان دُر سَپَه لندی.
سوُز   دینده ، گورَسن ، قاتدی گُلی ،پسته نی ، قندی .
یاشاسین شاعر افندی ...
استاد محمد حسین شهریار